Estadio online | ES | EUS
Menu

Xendazaletasuna

Duela urte batzuetatik, iraila eta ekaina bitartean, goizeko irteerak antolatzen ditugu, ibilzaletasunaz gozatzeko. Gidari izango ditugu Ibai Rico eta Unai Garcia adituak. 08:30ean abiatuko gara autobusez, aire zabalean eta lagunarte onean ariketa pixka bat egiteko, eta gure inguruko aberastasun izugarriaz jabetzeko. Edozein adin eta forma fisikotarako jarduera. Atal honetan dituzu gure ibilbideen azalpenak eta irteeren argazkiak.

Bidezidor naturalak oinezkoentzako ibilbideen sare bat dira. Bideak, bidezidorrak, abelbideak eta ondo seinaleztatutako pistak lotuz eratu dira, errepideetatik ez igarotzen ahaleginduta; eta ehunka edo milaka kilometrotan zehar, urruneko kultura, eskualde eta herrialdeak lotzen dituzte. Antzinako kultura eta merkataritza ibilbideen oinordeko dira, eta ibilzaleari naturaren atsegina eta tokiko historia eta ohiturak ezagutzearen plazera emateko daude diseinatuta.

Ibilzaletasuneko gure irteeratan, oinez eta presarik gabe ibiltzen gara, Arabako naturaz, antzinako bideez, bidezidorrez eta abelbideez gozatuz, ezin susmatuzko istorio eta inguruneak ezagutuz.

Ibilbide luzeko bidezidorren zatiak edo ibilbide laburreko Arabako bidezidorrak hautatzen ditugu; eta, batzuetan, herri ezkutuak lotzen dituzten bide berriak, balizatu gabeak eta leunak. Ibilbidean zehar, inguruko monumentu, hondakin edo leku interesgarriak ikusiko ditugu. Irteera bakoitza berezia da.

Beraz, gogoko baldin baduzu «abentura» handirik gabe ibiltzea, naturaz gozatzea, paisaia behatzea eta ibilaldiak eskaintzen dizuna ezagutzea... ibilzaletasunaren zale amorratua izango zara. Gogoan izan: ibilzaletasuna egokia da edozein adin eta forma fisikotarako, eta ibilketa nordikoarekin batera egin daiteke.

Irteera hauetan, 08:30ean abiatuko gara, eta 14:00ak aldera itzuliko gara.

«Arabako ibilbideetatik» irteera programak El Correo egunkariaren eta Radio Vitoria irratiaren laguntza du.

Izen-ematea (14 urtetik gorakoentzat soilik) Estadioko harrera lekuan egin daiteke; edo, abonatua baldin bazara, 945131345 telefonora deituta, edo Estadio online webgunearen bidez, irteeraren aurreko asteazkeneraino edo toki guztiak bete arte.

Ez da dirua itzuliko irteeraren astean, eta helmuga edo ibilbidea eguraldiaren gorabeheran egokitu ahalko dugu.

Maiatzaren 8an egingo den Ibilzaletasuna Familian programako irteera, 9:30etik 13:30era izango da. Estadioko atetik abiatuko da, eta parte hartzeko gutxieneko adina 8 urtekoa da.



Denboraldi honetako irteeren egutegia ondorengo hau da:
DataTokia
Irailak 12, larunbataEtxaguen – Olano (Araba)
Urriak 17, larunbataApilaiz - Korres (Araba)
Azaroak 14, larunbataBariiga de Losa - Bóveda (GR282, Burgos – Araba)
Martxoak 13, larunbataElgeta - Ermua (Gipuzkoa-Bizkaia)
Apirilak 10, larunbataUrkiola - Otxandio (Bizkaia)
Maiatzak 8, larunbata Ibilzaletasuna Familian, Zaldiaran - Eskibel (Araba-Nafarroa)
Estadio irekitzeko gida praktikoa