Estadio online | ES | EUS
Menu

AEA: La vida después del deporte

AEA: <i>La vida después del deporte</i>
Abenduaren 12an (osteguna), 18:30ean, Susana Regüela psikologoa, Martín Fiz eta Ana Amelia Menéndez etorriko zaizkigu Estadio Aretora, goi mailako kirolarien erretiroaz hitz egitera.

Abenduaren 12an (osteguna), 18:30ean, Susana Regüela psikologoa, Martín Fiz eta Ana Amelia Menéndez etorriko zaizkigu Estadio Aretora, goi mailako kirolarien erretiroaz hitz egitera.

Zikloa: Kirola eta osasuna
Gaia: Kirola eta buruko osasuna

Goi mailara iristeko, ezinbestekoa da gutxi gorabehera 10.000 ordu edo 10 urte jarduera hori egiten ematea, 16 – 26 urte bitarteko adinetan, jende gehiena bere bokazioaren bila eta etorkizuneko lanbiderako prestatzen ari denean. Beraz, kirolariak, 30 edo 35 urte betetzean, gainerakoak bizitzan beren tokia aurkitzen hasi direnean eta beren lanbidean nolabaiteko aitorpena jasotzen hasi direnean, eurek edo bestek erabakita erretiratu beharrean izaten dira.

Erabaki hori beldurrez hartzen da, ziurgabetasunez, ilusioz, aukeraz, tristuraz, hutsunez, estutasunez eta beste mila emozioz, norbere burua berriz eraikitzeari eta berriz asmatzeari ekiteko, beste 10 urte eskatuko dituen inbertsio batean.

Erretiratzeko arrazoiak (lesioak, ikasketekin edo lanarekin bateratu ezina, errendimendu txikia, motibazio edo plazer eza...) funtsezkoak izango dira, eta ondorengo bizitzarako egokitzea erraztu edo zailduko dute. Hobe izaten da norbere borondatez eta modu planifikatuan erretiratzea; eta kirola ardatz duen identitate mediatikoa izateak zaildu egin dezake kiroletik kanpoko bizitza berrira egokitzea.

Susanaren ustez, «egin daitekeen akats handietako bat da kirol ibilbidearen bukaera planifikatzerik eta prestatzerik saihestea; eta prozesuari begiratu beharrean, arazoari begiratzea». «Erretiratzea bizi izan beharrekoa eta aurre egin beharrekoa den trantsiziotzat ikusi behar da»; familiak, adiskideek eta kirol inguruneak lagunduta egin beharreko trantsiziotzat. Aldaketa handi hori onartu behar da, prozesuaren, hazkunde pertsonalaren eta esanahi berrien ikuspegitik norbere burua berriz asmatu eta eraldatu.

Hitzaldiaren ondorengo solasaldian, gaiaz arituko gara Esther Gonzalezekin eta Iñigo Higuerasekin, eta beren ikuspegiak emango dituzte.

– Susana Regüela, atleta ohia, Psikologiako doktorea. Sant Cugat errendimendu handiko zentroan, goi mailako kirolarien formakuntza integralean eta trantsizioetan espezializatutako unitatearen arduraduna da.
– Martín Fiz, atleta ohia, Europako eta munduko txapelduna maratoian, eta enpresaburua.
– Ana Amelia Menéndez, goi mailako atleta ohia, 2003an erretiratua.

Hitzaldi-proiekzioaren ondoren, ikus-entzuleen txanda izango da, sarrera libre eta doakoa duen Estadio Aretoa programara etorritakoek galderak egin ditzaten.

Euskal Herriko Unibertsitateko ikasleen graduko kredituak izapidetzeko balio du. Gehienez 35 lagunentzako tokia izango da, saioko. Eman izena hitzaldirako, aldez aurretik, www.ehu.eus/kirolak-araba webgunean.

Hurrengo saioak:

DataGaiaIzenburuaHizlariak
2019ko abenduak 12Kirola eta buruko osasunaLa vida después del deporteSusana Regüela, Martín Fiz eta Ana Amelia Menéndez
2020ko urtarrilak 9Partidak iruzurrez moldatzeaLa semilla de la corrupciónIgnacio Benítez eta Lander Iraragorri
2020ko otsailak 6Kirola, entrenamendua eta osasunaUtilidades de la prueba de esfuerzo en el deporteMaría Sagasti, Eneko Llinas eta Jonatan Martínez
2020ko martxoak 5Kirola eta ingurumen krisiaCómo reducir tu huella de CO2 cuando haces deporteAna Vallejo eta Iñaki Bilbao
2020ko apirilak 2Kirola eta politika Deportistas políticamente correctas/osJosé Luis Pz. Triviño eta Orfeo Suárez
2020ko maiatzak 7Sexu aniztasuna eta kirolaDeporte, orientación sexual e identidad de géneroNaiara Loy, Izaro Antxia eta Jon Cadierno