Estadio online | ES | EUS
Menu

Unibertsitateko ikasle aktiboak osasungarriago eta zoriontsuago dira

Unibertsitateko ikasle aktiboak osasungarriago eta zoriontsuago dira

Unibertsitateko ikasle aktiboak osasungarriago eta zoriontsuago dira, beren kide ezaktiboak baino.

Journal of Physical Activity and Health aldizkarian argitaratutako ikerlan batek ebaluatu du ea ikasleen zein proportziok parte hartzen duten jarduera fisikoetan eta kiroletan Irlandan, eta esploratu du ea zer lotura duen jarduera fisikoak buruko osasunarekin eta ongizatearekin. Ikasleen Jardueraren eta Kirolaren Azterlanak 8.000tik gora ikasleri egin zien inkesta, Internetez.

Emaitzek erakutsi zuten inkestatuen % 64,3k bete zituztela ariketa egiteari buruzko gomendioak: jarduera fisiko neurritsua edo indartsua egitea astean 150 minutuz. Azterlanak, era berean, aurkitu zuen gomendioak bete zituzten ikasleek gehiagotan izaten zituztela osasun orokor hobea, buruko osasun hobea eta zoriontasun handiagoa, beren kide ezaktiboekin alderatuta. Ebidentzia horrek aldezten du garrantzitsua dela jarduera fisikoa egiteko aukerak ematea bigarren hezkuntzako eta unibertsitateko ikasleei.

Datuak: Murphy M.H., Carlin A., Woods C., Nevill A., MacDonncha C., Ferguson K., Murphy N. «Active Students Are Healthier and Happier Than Their Inactive Peers: The Results of a Large Representative Cross-Sectional Study of University Students in Ireland». Journal of Physical Activity and Health. 2018ko urriaren 1a; 15(10):737-746. doi: 10.1123/jpah.2017-0432. Epub fitxategia: 2018ko abuztuaren 17a.