Estadio online | ES | EUS
Menu

Gorputz hezkuntzako saio...

Gorputz hezkuntzako saio...
British Journal of Sports Medicine aldizkarian argitaratutako ikerlan batek aztertu du ea hezur eta giharretako indarraren gainean zer eragin duen 10 hilabetez gorputz hezkuntzako eskola biziak egiteak, astean 40 minutuko hiru saio gauzatuta.

Gorputz hezkuntzako saio bizi eta erregularrek eskola umeen hezurretako erresistentzia eta gihar gaitasuna hobetzen ditu.

British Journal of Sports Medicine aldizkarian argitaratutako ikerlan batek aztertu du ea hezur eta giharretako indarraren gainean zer eragin duen 10 hilabetez gorputz hezkuntzako eskola biziak egiteak, astean 40 minutuko hiru saio gauzatuta. Ikerlanean Danimarkako 295 haur sartu zituzten, 8 – 10 urte bitartekoak. Ausaz esleitu zituzten, dela pilotan jokatzeko talde txiki batera, dela zirkuituko entrenamenduko programa batera, edo dela inolako gorputz hezkuntzarik egiten ez zuen talde batera.

Emaitzek erakutsi zutenez, entrenamendua egin zuten taldeetan hobetu egin ziren hezurretako mineralizazioa eta giharretako indarraren hainbat alderdi, besteak beste postura eta jauzi luzera. Autoreek ondorioztatu zutenez, «ondo antolatutako gorputz heziketako eskola biziak lagungarriak izan daitezke haur txikien gihar eta hezurretako osasuna garatzeko». Gimnasioek toki segurua eskaintzen diete haurrei, eskolatik kanpo fisikoki aktibo izan daitezen.

Iturria Larsen MN, Nielsen CM, Helge EW, Madsen M, Manniche V, Hansen L, Hansen PR, Bangsbo J, Krustrup P. «Positive effects on bone mineralisation and muscular fitness after 10 months of intense school-based physical training for children aged 8-10 years: the FIT FIRST randomised controlled trial». British Journal of Sports Medicine. 2016ko ekainaren 13a. pii: bjsports-2016-096219. doi: 10.1136/bjsports-2016-096219. [Inprimatu aurreko Epub fitxategia.]